Á middegi kostaði ein tunna av norðsjóvarolju 98 dollarar, sum var góð tíggju prosent minni enn eitt samdøgur frammanundan.
Prísfallið stóðst av eini søgu frá miðlinum Axios, sum kanska hevur givið endurnýggjaða vón um ein enda á krígnum í Miðeystri.
Sambært miðlinum halda Hvítu Húsini, at tey eru við at kunna gera eina avtalu við Iran, sum ger enda á ósemjuni.
Miðilin hevur endurgivið tvey ónevnd embætisfólk.
Reuters hevur til fánýtis roynt at fingið søguna váttaða av amerikanska uttanríkisráðnum og Hvítu Húsunum.
Ein pakistansk kelda, sum hevur verið við í samráðingunum, hevur tó váttað fyri Reuters, at USA og Iran eru nær við eina yvirlýsing.
/Ritzau/
