Per var útbúgving journalistur frá Danmarks Journalisthøjskole, og hann hevur starvast bæði í útvarpinum, í sjónvarpinum og á Dimmalætting.
Hann var partur av Føroysku Tíðindastovuni á Christiansborg, haðani nógv var at hoyra, tá fullveldismálið var í hæddini um aldarskiftið. Hann hevur eisini starvast sum miðlaráðgevi hjá Eik Banka, hjá Tórshavnar kommunu og hjá Edmundi Joensen, fólkatingsmanni.
Hann byrjaði sína journalistisku yrkisleið sum ungur á 14. September eftir studentaskúlaárini.
Per var sonur Nicolinu Højgaard í Havn og var giftur við Maikin Isholm Højgaard úr Havn, og búðu tey í Christianshavn í Keypmannahavn. Hann átti fýra børn.
Seinasta árið hevur Per verið illa sjúkur.
