Hvítusunnumorgun 10. mai í ár bleiv ein 23 ára gamal dani sparkaður og fekk skaða í andlitið í Steinatúni í Havn. Politiið sóknast eftir vitnum í málinum Hendingin fór fram við busskýlið í Steinatúni í Havn, har bardagi stóðst millum ung og ein 23 ára gamlan dana, sum bleiv sparkaður, meðan hann lá niðri og fekk mein í andlitið.
Í samband við avhoyringar í málinum er komið fram, at ein skallutur persónur, sum stóð við busskýlið, hjálpti til at steðga bardaganum.
Politiið vil fegin í samband við hendan persónin ella onnur, sum vóru á staðnum, tá hendingin fór fram. Ringjast kann á Politistøðina í Tórshavn á tlf. 351448.
