»Leygarkvøld í Klaksvík«, sum Rás2 sendingin kallast, fer at bjóða samrøður, live-tónleik, kjak, list og annað.
Í fyrstu sendingini vitjar klaksvíkingurin Jógvan Hansen, sum er búsitandi í Íslandi. Við honum er eisini tónleikarin Vignar Snær, sum framførir saman við Jógvani í sendingini. Teir fara at spæla nakrar sangir live, og eisini verður prátað við Jógvan – millum annað um, tá hann fyrstu ferð varð spurdur um at syngja við í einum tónleikabólki.
Livar Nysted, sum bæði er kendur sum listamaður og ævintýrari, hevur framsýning við málningum, meðan sendingin er, og hann fer at greiða frá sínum listarliga arbeiði.
Ungi klaksvíkingur Danny Baldursson fer eisini at framføra live, og í einarúmi verður prátað við Kristoffur Ragnarsson.
Vertir fyri sendingarnar í Klaksvík verða Rannvá Gaard Fossaberg og Eyðun Klakstein.
Fyrsta sendingin verður nú leygarkvøldið kl. 20.00, og síðani verður ein sending á skránni í november og ein í januar.
