Rás2 spennir seg aftur út við fótbóltsfrásagnum hetta vikuskiftið.
Leygardagin sigur Tróndur Arge frá grannauppgerðini millum NSÍ og ÍF, sum verður spældur við Løkin í Runavík. Dysturin byrjar klokkan 15. Sendingin á Rás2 byrjar klokkan 14 við, at "Fótbóltspanelið" verður endursent fyrst. Leygardagin verður eisini fylgt við gongdini í dystunum í 1. deild, sum verða í morgin.
Sunnudagin sigur Tróndur Arge frá grannauppgerðini millum Víking og B68, sum byrjar klokkan 15 í Sarpugerði í Norðragøtu. Hilmar Jan Hansen sigur frá grannauppgerðini í Havn millum B36 og AB, sum eisini byrjar klokkan 15. Kunnað verður frá gongdini í dystunum KÍ-Skála og TB-HB.
Til ber hjá øllum at hoyra sendingina á www.midlar.fo, á FM 88,7, FM 95,9 og á FM 98,7.
Tað verður eisini beinleiðis frásøgn á in.fo frá øllum fimm dystunum í effodeildini hetta vikuskiftið.
