Klokkan 22.00 í kvøld er siðbundna Ólavsøkubrakið hjá Rás2 aftur á skránni við Halli Joensen, Signari í Homrum og Hilmar Jan Hansen.
Seinastu árini hevur Rás2 skipað fyri stórum Ólavsøkubrakið 29. juli klokkan 22.00, og soleiðis verður aftur í ár.
- Vit eru til reiðar, og gleða okkum til at bjóða føroyingum til undirhald og tónleik í heimsklassa, sigur Barbara Holm, fyriskipari.
Seinastu árini hava túsundtals føroyingar verið við til stóra tiltakið hjá Rás2, og eingin ivi man vera um, at soleiðis verður aftur í ár.
TRÝST á PÍLIN undir MYNDINI, og hoyr eina samrøðu við Barbaru Holm um ólavsøkubrakið hjá Rás2.
