Vágsbotnur er í dag merktur av, at tað verður arbeitt við fullari orku at rigga til stóra tónleikatiltakið Voxbotn, ið verður leygardagin.
Í allarbesta summarveður byrjar Vágsbotnur nú so spakuliga at taka skap til í morgin, tá túsundtals av føroyingum savnast í høvuðsstaðnum at lurta eftir teimum bólkum og einstaklingum, ið skulu framføra á Voxbotn.
Festivalurin byrjar klokkan 15, tá Yóhanna trínur á fasta pallin, meðan fyrsta framførslan á stóra pallinum er hálvan tíma seinni, tá Elinborg Pálsdóttir framførir.
Størsta framførslan verður helst klokkan 21.30, tá Anthems of Rock seta gongd á í stóra pallinum.
