Ein persónur er deyður í Írlandi, eftir at ódnarveðrið Ophelia hevur rakt landið.
- Ein kvinna doyði í útsynningspartinum av Waterford-økinum í Írlandi, tá eitt træ rakti hennara bil undir ódnarveðrinum, upplýsir ein lokalur embætismaður fyri útvarpsrásina RTE.
RTE upplýsir, at tann deyða kvinna ikki var einsamøll í bilinum.
Ophelia hevur flutt seg framvið sponsku strondina norð móti Írland. Í minsta 31 fólk eru deyð av skógareldi í Spania og Portugal, ið er vorðið verri av sterku hvirlunum frá ódnarveðrinum.
Um middagsleitið í dag mettu portugisiskir myndugleikar, at skógareldurin hevði kravt 27 mannalív.
Skógareldurin kyknaði sunnudagin og herjar í løtuni mið- og Norðurportugal.
Í grannalandinum Spania verður upplýst, at fýra fólk hava latið lív.
/ritzau/Reuters
