Rokkarin úr bólkinum The Dreams, Hans Edward Andreasen, bleiv 31. mars pápi at Klæmint McLeod Andreasen. Vit kenna hann eina mest frá pallinum, har hann, saman við manningini í The Dreams, hevur bergtikið Føroyar, Danmark og nú Frankaríki. Teir flyta seg alsamt longri inn á altjóða rokkpallin, og framtíðarvónirnar eru stórar fyri hesum ungu føroyingum.
Men 31. mars í ár broyttist lívið hjá Hans Edward, tá ið hann gjørdist pápi í sjúkrahúsinum í Hvidovre, og var tað ein lítil drongur, ið bleiv borin í heim henda síðsta dagin í mars.
Navnið á soninum hjá rokkaranum er Klæmint McLeod Andreasen, og vigaði hann 3472 og var 55 cm langur.
Planet ynskir Hans Edward og maka hansara hjartaliga tillukku við soninum.
