Borgarstjórin segði eisini nøkur orð og handaði Bjørg Øssursdóttir, Ann W. Rubeksen og Osvaldi S. Johanson blómutyssi sum tøkk fyri drúgva tænastu í kommununi.
Bjørg Øssursdóttir byrjaði í kommununi í 1988. Og síðani 1. desember 2002 hevur hon arbeitt á Sløkkiliðnum. Sostatt hevur hon verið í kommununi í 25 ár. Umframt blómutyssi fekk hon heiðursbræv fyri avrikið seinastu 25 árini.
Ann W. Rubeksen byrjaði í starvi á Sløkkiliðnum 1. november 2002, og hevur hon tí starvast á støðini í 10 ár.
Osvald S Johanson byrjaði í starvi 1. januar 1991, og var hann eitt skifti burtur í áleið hálvtannað ár. Sostatt hevur hann røkt starvið á støðini í 20 ár.
