Skuldsetingarnar um valsvik á russiska tjóðartingsvalinum fyri átta døgum síðani fáa onga ávirkan á úrslitið av valinum. Tað gjørdi Vladimir Putin, forsætisráðharri, púra greitt í einari almennari fráboðan í dag.
-Skuldsetingarnar fáa onga ávirkan á gildið hjá atkvøðunum ella tað yvirskipaða úrslitið, segði talsmaðurin hjá Putin, Dmitry Peskov, við fronsku tíðindastovuna AFP. Hann vísti á, at sjálvt um øll sokallað prógv um svik verða løgd saman, snýr tað seg ikki um stórt meiri enn 0,5 prosent av atkvøðunum og ávirkar tí ikki úrslitið.
Fleiri túsund russar hava mótmælt valúrslitinum. Tey hava lagt valmyndugleikarnar og flokkin hjá Putin, Sameint Russland, undir valsvik og hava tí kravt umval.
-Men tað fáa tey ikki, sigur talsmaðurin hjá Putin.
