Kníválopið fór fram eftir ein fund við íbúgvarnar í býnum Apatity í Murmansk í dag.
Tað skriva russiskir tíðindamiðlar, sum vísa til tíðindatænastuna hjá russisku myndugleikunum.
Sagt verður, at hendingin fór fram í ráðhúsinum, og Andrej Tsjibis fekk løstir í búkin og noyddist undir skurð.
- Guvernørurin verður í løtuni skurðviðgjørdur. Hann er við vit og kom sær sjálvur í bilin eftir álopið.
Tíðindatænastan veit at siga, at guvernørurin á veg til sjúkrahúsið bæði tosaði og svaraði spurningum.
Ein maður er handtikin í samband við álopið í dag.
Sambært russisku myndugleikunum er ógreitt, hvat lá aftan fyri álopið á guvernørin í Murmansk, Andrej Tsjibis.
