Súkklarnir hava lagt nógv fyri í fyrireikingunum undan vikuskiftinum, tá landsliðssúkklararnir skuldu finnast. Teir royndu seg í einkultstarti og landsvegkoyring.
Fríggjakvøldið varð kappast í einkultstari. Teinurin var úr Kollafirði, norður gjøgnum Sundalagið, gjøgnum Norðskála, vendu á landsvegnum millum Svínáir og Ljósáir, og síðani aftur til Kollfjarðar.
Leygardagin varð kappast í landavegssúkkling. Orsaka av nógva vindinum varð bara súkklað í Havn, heldur enn teinin úr Havn til Hvalvíkar og aftur. Málið var við Gróðursøluna í Hoydølum. Súkklað varð niðan á Háls, runt í rundkoyringina, oman aftur móti tyrlupallinum, fram við Strond, oman til Skansan, runt í rundkoyringini við Skanska, niðan aftur móti Gróðursøluni, niðan á rundkoyringina, har vegurin Langi og Hvítanesvegurin møtast, og omaftur til Gróðursøluna.
Tað gekk væl hjá føroyska súkklulandsliðnum á Rhodos fyri fýra árum síðani. Liðið fekk silvurheiðursmerki í liðkappingini. Ítróttargreinin var ikki við á Álandi fyri tveimum árum síðani.
Hesi umboða Føroyar:
Menn:
Gudmundur Joensen
Gunnar Dahl-Olsen
Torkil Veyhe
Bogi Kristiansen
Morten Hansen
Kvinnur:
Marin Heinesen
Súsanna Skylv
