Ljósspæl og samanfall av ymiskum viðurskiftum kann skjótt geva eina heilt løgna mynd.
Mong dømir eru um tað.
Í nátt klokkan 04.14 fekk løgreglan eina fráboða um, at tað sá út, sum alt Tinganes stóð í ljósum loga.
- Talan var um eitt samanfall millum ljós, okkurt skyggjandi vindeyga og so ein skorstein, sum roykur kom úr.
Vakteiðarin ásannaði í morgun, at tað sá eitt sindur løgið út í Tinganesi í nátt, har fráboðarin var staddur.
- Men, her var tíbetur ongantíð talan um eld, men um eitt heldur løgið ljósspæl, sum sást í nátt, verður lagt aftrat.
Náttin hjá løgregluni var annars rímiliga friðarlig. Nógvir bilførarar vórðu kannaðir, men her var alt í lagi.
- Onkur skeinkistøð vórðu eisini vitjað, og her vísti eisini alt seg at vera í lagi, sigur vaktleiðarin í morgun.
