Eitt av málunum hjá sitandi samgongu er at samskipa miðfyrisitingina.
- Vit hava í dag átta fyrisitingar. Tað vil siga átta av hvørjum. Fyri at fáa meira burtur úr, eiga vit at samskipa miðfyrisitingina, sigur Jørgen Niclasen.
Hetta kann spara einar 15%-20% í mun til verandi átta fyrisitingar.
- Tað fer eisini at hjálpa okkum, tá vit hava tungar uppgávur, tí tá kunnu vit trekkja upp á eina samlaða miðfyrisiting, sigur Jørgen Niclasen.
Hetta er ikki minst galdandi fyri juridisku deildina av sakini.
- Talan er eisini um sparingar í síðsta enda. Roknast kann við, at vit fara at spara eina 15%-20% í mun til nú, sigur Jørgen Niclasen.
Hvussu skjótt hettar fer at henda er ikki vist.
- Alt skal gerast lagaliga, so tað tekur tað tíð, tað tekur, sigur Jørgen Niclasen.
