Tað heldur Marin Katrina Frýdal, býráðslimur fyri Tjóðveldi í Havn.
Hon sigur hetta í kjalarvørrinum á, at Bogi Andreasen, býráðslimur, kunngjørdi í gjár, at hann meldaði seg úr Tjóðveldi og fór upp í Fólkaflokkin.
Men umframt at vera býráðslimur, er hann eisini varaborgarstjóri og tann sessin ætlar hann ikki at leggja frá sær.
Gamalt er, at samgongan í Tórshavnar Býráð hevur bæði borgarstjóra og varaborgarstjóra og tískil eru tað summi, i halda, at tað er Tjóðveldi, sum ”eigur” varaborgarstjóran.
So var alt, sum tað átti, hevði tað helst verið Marin Katrina Frýdal, sum skuldi verið varaborgarstjóri, eftir sum hon er fyrst valdur býráðslimur hjá Tjóðveldi.
Men sum støðan er nú, er tað Fólkaflokkurin og sostatt andstøðan, sum eigur henda týðand sessin.
- Formliga eru borgarstjóri og varaborgarstjóri valdir fyri fýra ár so eftir lógini kann ongin tvinga Boga Andreasen frá sum varaborgarstjóra, ásannar Marin Katrina Frýdal.
Men hon heldur, at etiskt, átti hann eisini at lagt frá sær sum varaborgarstjóri.
– Hansara samvitska átti at fingið hann at lagt frá sær sum varaborgarstjóri, sigur hon.
- Eg skilji ikki slíkan moral. Men moralur er so ymiskur hjá fólki, leggur hon afturat.
Hon sigur, at býráðslimirnir hjá Tjóðveldi hava ikki viðgjørt støðuna enn. Tað fara tey at gera nú um vikuskiftið og tí fær hon ikki enn sagt, um flokkurin fer at heita á Boga Andreasen um at leggja frá sær sum varaborgarstjóri.
