Flogfelagið SAS ætlar at keypa upp til 55 nýggj flogfør frá brasilska flogframleiðaranum Embraer.
Tað sigur stjórin í SAS, Anko van der Werff, á tíðindafundi.
Stjórin kallar tað eina "avgerandi løtu" fyri felagið.
Flogførini fara millum annað at vera við til at knýta Skandinavia betur saman, sigur stjórin. Hann kallar tað eina "avgerandi løtu" fyri felagið.
- Hendan avtalan umboðar eina djarva íløgu í framtíðina hjá SAS. Tað merkir næsta stigið á okkara umskipanarferð. Og tað er greitt eitt gott tekin fyri Skandinavia, sigur Anko van der Werff.
SAS sigur, at felagið keypir 45 flogfør og hevur rætt til at keypa 10 aftrat.
Avtalan hevur eitt samlað virði á umleið fýra milliardir dollarar, sum svarar til góðar 25 milliardir krónur, stendur í fráboðanini.
Sambært ætlanini verður fyrsta flogfarið latið við árslok 2027, meðan verða latin yvir umleið fýra ár.
Flogførini eru av slagnum E195-E2, sum sambært heimasíðuni hjá KLM kann taka upp til 132 ferðafólk.
Hetta er størsta beinleiðis avtalan hjá SAS við ein framleiðara síðani 1996.
Stjórin í fyritøkuni hjá Embraer við fokus á vinnuflúgving, Arjan Meijer, er eisini við á tíðindafundinum týsdagin í Vilhelm Lauritzen Terminalen á flogvøllinum í Keypmannahavn.
Framman fyri teimum, sum eru til staðar, skriva hann og Anko van der Werff undir avtaluna, og síðani standa teir teir við einum modellflogfari hjá SAS.
Í løtuni er tað eitt samtak við flogfelagnum Air France-KLM, privata kapitalgrunninum Castlelake, íløgufelagnum Lind Invest og danska statinum, sum eigur SAS.
Feløgini yvirtóku ognarrættin, tá SAS alment fór úr eini konkursverndartilgongd 28. august 2024. Sum liður í tilgongdini hevði SAS verið skrásett av virðisbrævamarknaðinum fyrr sama mánað.
Nýggju eigararnir hava tilsamans gjørt íløgur fyri 1,2 milliardir dollarar í SAS, sum tá svaraði til góðar 8 milliardir krónur.
/Ritzau/
