Í dag spældu føroyski landsliðsmálverjin, Aleksandar - Sasja - Lacok og liðfelagarnir í Lugi dyst á útivølli í næstbestu svensku hondbóltsdeildini.
Á útivølli tapti Lugi 30-33 fyri liðnum úr háskúlabýnum nógvir føroyingar kenna, Kungälv. Heimaliðið var á odda 17-15 í steðginum.
Talan var um triðja tapið á rað hjá Lugi, ið nú er fimtaaftast í deildini við níggju stigum. Lugi er bert tvey stig frammanfyri Lagan, ið liggur næstaftast í deildini við sjey stigum.
Tvey tey niðastu liðini flyta niður í triðbestu deildina aftaná lokið grundspæl. Trið- og fjórðaftasta liðið spæla upp- og niðurflytingardystir móti einum liði úr triðbestu deildini.
Leygardagin 14. desember møtir Lugi aftur Kungälv. Hesaferð á heimavølli.
