Iran vil nú loyva irakiskari skipaferðslu at fara ígjøgnum Hormussundið, sum er siglingarleiðin inn og út úr Persaraflógvanum.
Hetta upplýsir hernaðarleiðslan í Iran sambært AFP-tíðindastovuni.
- Vit kunngera, at okkara brøðratjóð Irak er undantikin øllum avmarkingum, sum vit hava sett í verk í Hormussundinum.
Ein talsmaður fyri Iran, Ebrahim Zolfaghari, sigur við alment iranskt sjónvarp, at stongsulin bert fevnir um fíggindaligasinnað lond.
Hormussundið er í praksis stongt orsakað av krígnum móti Iran, sum USA og Ísrael byrjaðu fyri seks vikum síðan.
