Skrivstovan hjá Læknum Uttan Landamørk í býnum, Pokrovsk í Donetsk-regiónini í Ukraina, er púrasta løgd í oyði í nátt.
Tíðindastovan NTB veit at siga, at fimm sivilfólk eru særd í bumbuálopinum.
- Øll okkara starvsfólk eru í tryggleika, men fimm sivilfólk vóru nærindis skrivstovuni og eru løstað.
Tað sigur samskiftisráðgevin hjá Læknum Uttan Landamørk, Kristian Müller Andersen, í telduposti til tíðindastovuna, NTB.
Hann leggur aftrat, at felagsskapurin fordømir álopið á skrivstovuna, sum hevur verið brúkt til at stuðla neyðhjálparvirksemi í økinum.
- Vit biða um, at neyðhjálpararbeiði, heilsuverk og sivilfólk verða vard, leggur Kristian Müller Andersen aftrat.
Neyðhjálparsamskiparin hjá Læknum Uttan Landamørk í Ukraina, Vincenzo Porpiglia, sigur, at tað serliga er undirstøðukervið í Ukraina, sum lagt hevur verið eftir.
Men, hesaferð var tað skrivstovan hjá Læknum Uttan Landamørk í býnum, Pokrovsk, sum varð rakt í einum álopi í nátt.