Við 2-0 sigri á heimavølli ímóti Skála í gjár tók NSÍ oddasessin – í hvussu so er inntil seint seinnapartin í dag.
HB fær í dag vitjan av KÍ. Um tað eydnast favorittunum í høvuðsstaðnum at vinna fulla úrtøku, so verður HB nýtt topplið eftir triðja umfar. KÍ hevur møguleika at reisa seg eftir vónbrotið ímóti NSÍ á heimavølli fyri viku síðani.
Meistararnir í B36 fara seinnapartin inn á Toftir. Hetta er fyrsta ferðin, at árstalsfeløgini bresta saman á Svangaskarði síðani 19. oktober, tá ið B36 við 3-1 sigri tryggjaði sær FM heitið. Eftir tapið á Skála næstsíðsta leygardag hevur B36 møguleika at lyfta seg nærri toppinum ímóti B68, sum framvegis bíðar eftir fyrsta sigrinum.
AB vitjar í dag í Suðuroy. Felags fyri TB og AB er, at tey higartil ikki hava vunnið fulla úrtøku.
Rás2 fer at siga frá á Svangaskarði og í Gundadali, og tað verður fylgt við gongdini við Stórá í Trogisvági.
Tað ber eisini til at fylgja við her á in.fo.
B68-B36: Eiler Rasmussen kl. 15.00
HB-KÍ: Petur Reinert kl. 15.00
TB-AB: Kári J. á Høvdanum kl. 15.00
Í gjár
ÍF-Víkingur 2-2 (2-1)
1-0: Clayton Soares 23.
2-0: Andy Olsen 40.
2-1: Gert Hansen 45.
2-2: Sølvi Vatnhamar 49.
NSÍ-Skála 2-0 (1-0)
1-0: Per Langgaard 15.
2-0: Petur Knudsen 65.
