VÍF skal spæla FM-hálvfinalur móti H71 í SMS-deildini.
Í FM-fjórðingsfinaluni í høllini í Vestmanna vann VÍF ein knúsandi 36-15 stórsigur á EB. Í steðginum vóru vestmannakvinnur á odda 19-10.
Toppskjútti hjá VÍF við níggju málum var Lív Sveinbjørnsdóttir Poulsen. Við átta málum - meir enn helvtini av málunum hjá liðnum - var Nadja Pejovic toppskjútti hjá EB.
Í annaðkvøld klokkan 19 spæla Neistin og Stjørnan FM-fjórðingsfinalu í høllini á Hálsi í Havn. Vinnarin av tí dystinum spælir FM-hálvfinalur móti Kyndli.
Í FM-hálvfinalunum verður spælt best av trimum dystum.
HER ber til frá HSF at síggja dómaraseðilin frá FM-fjórðingsfinaluni í Vestmanna:
##med2##
