Umframt tað at Sosialurin fær digitaliserað blaðið á hendan hátt, so er endamálið eisini at røkka teimum lesarum, sum ikki hava møguleika at keypa blaðið í leysasølu - fyrst og fremst lesarar uttanlands, og verður tað í fyrstu atløgu bert møguligt at lesa blaðið uttanlands.
Tá blaðið fyrsta dagin verður tókt á netinum ber til at keypa eitt eintak, ella at tekna seg sum haldara. Harvið fært tú eisini atgongd til savnið. Í fyrstu atløgu verða øll bløðini aftur til 1. januar 2000 tøk á netinum, og tað ber til at leita í tekstinum í øllum bløðunum.
Soleiðis verður hendan útgávan eisini eitt sera hent amboð hjá teimum, sum vilja leita í gomlum bløðum.
