Spennandi grannauppgerð verður á Svangaskarði

Seinnapartin verður farið undir síðsta triðingin í landskappingini í næstbestu deildini.

KÍ, sum er topplið, skal spæla á Skála. Manningin hjá klaksvíkingum verður ikki tann sama, sum hon var í síðstu viku, tí miðverjin Sørmundur Kalsø og Ása Klakstein stóð á middegi brúðgommur fyri altarinum í Chritstianskirkjuni.

Úrslitið í grannauppgerðini á Svangaskarði kann fara at vísa seg at fáa heilt stóran týdning í strembanini hjá B68 aftur at vinna seg upp í bestu deildina. Teir næstbestu hjá NSÍ, sum eru á fjórða plássi, vitja longri úti á eystara armi á Skálafjørðinum.

Um tað eydnast NSÍ at vinna verður B68 skumpað av triðja plássi, sum eftir kappingarlok sannlíkt fer at bera uppflyting við sær.

ÍF, sum er á uppflytingarplássi, fær longu klokkan 13.30 vitjan av teimum næstbestu hjá HB, sum hevur lagt – fyribils í hvussu so er – sjógv millum seg og hóttanina av niðurflyting.

Suðringar og Giza Hoyvík eru á plássunum undir niðurflytingarstrikuni. Í dag eru hesi bæði liðini á útivølli. Suðringar vitja á Sandi, og Giza Hoyvík er á veg til Leirvíkar at vitja Víking.

ÍF – HB: Bjarki Danielsen kl. 13.30

Víkingur – Giza Hoyvík: Jóhan Hendrik Ellefsen kl. 16.00

B68 – NSÍ: Lars Müller kl. 15.30

Skála – KÍ: Rúni Olsen kl. 15.00

B71 – Suðringar: Bent Tommy Linklett kl. 15.00

Støðan