Nú er rættuliga farið at ganga undan í fótbóltskappingini 2007. So at siga allir spurningar eru svaraðir uttan tann mest spennandi av øllum ? hvør fer at vinna FM í Formuladeildini.
25. umfar verður spælt seinnapartin í dag. Serligur spenningur er um grannauppgerðina í Sarpugerði, har oddaliðið NSÍ fer at vitja GÍ.
Á Sandi verður uppgávan stór hjá B36, sum tað er alneyðugt hjá at vinna fulla úrtøku, um hugsningur skal vera um hjá teimum svørtu og hvítu at fáa fatur á NSÍ.
Um NSÍ vinnur í Gøtu, og B36 einki fær burturúr á Sandi, verður munurin undan tveimum teimum seinastu umførunum millum tvey tey ovastu fimm stig, og so verður longu í dag mest sum avgjørt, at NSÍ fer at vinna fyrsta FM heitið nakrantíð.
Hann er høgur í ættini, og veðurvánirnar frá DMI fyri seinnapartin siga frá fitt av vindi, tað sigst fara at verða turt og upp í umleið tíggju hitastig.
25. umfar í dag:
EB/Streymur-VB/Sumba: Ransin Djurhuus kl. 15
AB-HB: Rúni Gaardbo kl. 15
GÍ-NSÍ: Páll Augustinussen kl. 15
Skála-KÍ: Dagfinn Olsen kl. 15
B71-B36: Jens Petur Brattalíð kl. 15
Støðan undan 25. umfari
NSÍ 54 stig
B36 52 stig
EB/Streymur 45 stig
HB 42 stig
GÍ 32 stig
Skála 31 stig
KÍ 28 stig
B71 26 stig
AB 17 stig
VB/Sumba 11 stig
