Starvsfólkini á Strandferðsluni áttu at verið hoyrd við rættindunum hjá uppsøgdum, heldur advokaturin Sigmund Poulsen. -Málið at flyta Strandferðsluna til Suðuroyar er so mikið álvarsligt, at starvsfólkini eiga at verða hoyrd við somu rættindum, sum uppsøgd fólk, sigur Sigmund Poulsen við Útvarpið.
Sigmund Poulsen vísir aftur, at avgerðin at flyta Strandferðsluna til Suðuroyar er ein politisk avgerð, sum bæði Bárður Nielsen, landsstýrismaður við starvsfólkamálum, og Jacob Vestergaard, landsstýrismaður við samferðslumálum, hava ført fram, og at starvsfólkini hava ongan rætt at verða hoyrd um sjálva avgerðina.
