Nobels friðarheiðurslønin 2023 fer til iranska journalistin og stríðskvinnuna fyri mannarættindum, Narges Mohammadi, fyri stríð hennara fyri frælsi í Iran.
Hesum boðar norska Nobelnevndin frá.
Narges Mohammadi fær virðislønina, meðan hon situr fongslað í Iran.
Hon fær virðislønina sum stríðskvinna fyri at hava »stríðst ímóti kúgan av kvinnum í Iran og fyri stríð hennara fyri at fremja mannarættindi og frælsi fyri øll«.
Millum anna í sambandi við mótmæli í fjør, tá ein 22 ára gomul kvinna doyði í varðhaldi hjá moralløgregluni í Iran.
Narges Mohammadi er 51 ára gomul og er fødd í iranska býnum Zanjian.
Í 2022 varð hon dømd átta ára fongsul og 74 pískasløg. Revsingin er seinni víðkað. Hon hevur fleiri ferðir verið áður verið fongsla av prestastýrinum í Iran.
Norska Nobelnevndin boðar frá vón um, at Mohammadi sum skjótast verður latin leys.
Forkvinnan í Noeblnevndini, Berit Reiss-Andersen, sigur, at avgerðin at lata henni Nobelvirðislønina »eisini er ein viðurkenning av fleiri hundraðtúsund fólkum, sum hava mótmælt ímóti iranska stýrinum«.
Ársdagurin fyri at unga kurdisk-iranska kvinnan, Mahsa Amini, doyði, er júst farin. Á vitjan í Teheran varð hon tikin av iransku morlaløgregluni, tí hon eftir øllum at døma ikki hevði fjalt hárið nóg væl.
Hon doyði, meðan í varðhaldi hjá moralløgregluni. Sambært familjuni varð hon so illa viðfarin av moralløgregluni, at hon doyði.
/ritzau/
