info
Ongi úrslit

Tað verður eitt spennandi kommunuval í Skopun

- Eg stilli upp aftur fyri framhaldandi at kunna vera ein rødd hjá fólkinum, soleiðis sum eg havi roynt at verið hesi bæði seinastu skeiðini, sigur Marjun S. Debes

Vilmund Jacobsen
12. september 2024 kl. 17:02

Roknast kann við einum spennandi kommunuvali í báðum teimum størru kommununum í Sandoynni, Skopun og Sandi. 
Í báðum kommununum vóru tveir listar á seinasta vali, har fáar atkvøður vóru millum listarnar, seks í Skopun og fimm á Sandi.  
Á Sandi koppaðu fimm atkvøður gamla meirilutanum, og í Skopun vantaðu seks atkvøður í, at sitandi meiriluti koppaði.
Hyggja vit eftir tølunum í Skopun á seinasta vali, fekk listi A við Gerhardi Lognberg á odda 159 atkvøður, harav Gerhard sjálvur fekk tær 64.
Listi B fekk 153 atkvøður, og her var Marjun Debes fremst við 56 atkvøðum.
Vit hava spurt Marjuna S. Debes, um hon ætlar sær at stilla upp aftur á kommunuvalinum komandi.
- Jú, tað ætli eg mær. Vit hava arbeitt við einum lista, sum er komin væl áleiðis, men enn eru ikki øll nøvnini komin upp á pláss. 
Hon vísir á, at henni hevði dámt betur, um tað var ein nýggjur listi í Skopun, har øll tey, sum vilja bjóða seg fram á kommunuvalinum, vóru á.
- Men, verandi listar hava røtur fleiri ár aftur í tíðina, og skuldu vit øll, sum vilja stilla upp, verið á einum og sama lista, skuldi hetta sjálvsagt verið ein spildurnýggjur listi.
Hetta er annað valskeiðið, sum Marjun S. Debes situr í Skopunar kommunu, og hon dylur ikki fyri, at hon í spenningi sær fram til eitt nýtt kommunuval.
- Eg tími hetta ógvuliga væl, og eg havi eftir førimuni roynt at gjørt mítt besta.
Marjun sigur, at hon hevur ikki stóra familju, so sum systkinabørn og trímenningar, men hon fegnast um, at bygdarfólkið hevur vísti henni álit á undanfarnum kommunuvalum. 
Spurd, um hon hugsar um at gerast borgarstjóri, nú tað er greitt, at Gerhard Lognberg ikki stillar upp aftur, og Skopun skal hava nýggjan borgarstjóra, sigur hon soleiðis:
- Eg stilli upp aftur fyri framhaldandi at kunna vera ein rødd hjá fólkinum, soleiðis sum eg havi roynt at verið hesi bæði seinastu skeiðini, og so fáa vit at síggja, hvussu verður við borgarstjóranum, tí tað verður fólkið, sum ger av, hvønn tey ynskja við borðendan.
Marjun S. Debes heldur, at komandi kommunuval kann gerast rættiliga spennandi. 
- Tað verður spennandi at síggja, hvussu eitt nýtt bygdarráð kemur at síggja út eftir kommunuvalið í heyst.
Hon leggur aftrat, at í Skopun er gott at búgva, og her eru allir møguleikar at skapa góðar karmar og trivnað í bygdini.

Lesið eisini - https://www.in.fo/news-detail/samal-hanni-vil-bera-stafettina-vidari

 

Mest lisið hesa vikuna

Nú kanst tú síggja lønina hjá grannanum ella stjóranum

13. november kl. 22:59

Landsstýrið black­list­ar 16 bygdi­r og bý­ir í Føroyum

Í gjár kl. 10:11

Eldur í á skipasmiðjuni á Skála

20 tímar síðan

Ókent ræðsluevni: Byrjaði at eta seg sjálvan

23 tímar síðan

Nøkur orð um skyldmannin Allan Enghamar

15. november kl. 17:35

Fyrrverandi NSÍ venjari er deyður

14. november kl. 17:37

Fleiri tíðindi

Lesarabrøv

Viðhald frá kommunala eftirlitinum

19 minuttir síðan
Tíðindi

Samstarvsskjal við Bretland verður undirritað í komandi viku

20 minuttir síðan
Tíðindi

Ein stuttsøga um Flemish Kap

32 minuttir síðan
Lesarabrøv

Skattapolitikkur kostar Føroyum meira, enn hann gevur

37 minuttir síðan
Tíðindi

Nólsoyarbók er komin út á HandRit.fo

44 minuttir síðan
Tíðindi

Fólkatingið hevur samtykt Grønlands-avtaluna

50 minuttir síðan
Tíðindi

Býráðið í Havn við­ger fíggj­ar­ætl­an­ina fyri 2027 í dag

1 tími síðan
Tíðindi

Putin: Ukraina og Evropa ikki eru til reiðar at gera semju

1 tími síðan
Tíðindi

Útflutningur av fiski til Kina veksur við hálvari milliard

1 tími síðan
Tíðindi

Talið av laksaalarum í Noregi verður hálverað innan fimm ár

2 tímar síðan
Tíðindi

Van Gogh-málningur seldur fyri 1,3 milliardir krónur

3 tímar síðan
Tíðindi

Stuðulstímar til børn hava kostað meira enn játtað í sjey ár

4 tímar síðan