Team Klaksvík er nú á fjórða plássinum

Tað er beinhørð kapping um týðandi fjórða plássið í Burn mansdeildini, og í skrivandi stund er tað Team Klaksvík sum er á fjórða plássinum, ið gevur atgongd til FM-endaspælið. 

Team Klaksvík vann í kvøld ein sera týðandi 24-21 sigur á Kyndli í høllini á Hálsi í Havn. Kyndil var annars á odda 9-8 í steðginum.

Team Klaksvík og StÍF hava bæði 11 stig fyri 14 dystir, og júst hesi bæði liðini møtast í Badmintonhøllini í Klaksvík um átta dagar.

Kyndil-Team Klaksvík 21-24 (9-8)

Málskjúttar Kyndil: Kristoffur Bjørgvin 6, Ovi Lützen 4, Tróndur Wardum 3, Andrias Bárðarson 3, Jákup Jørgensen 3, Tummas Sørensen 2. 

Málskjúttar Team Klaksvík: Vuk Stevanovic 9, Valentino Valentakovic 5, Beinir Johannesen 4, Ludvík Súnason 2, Jens Pauli Mohr 2, Sámal Jákup Djurhuus 1, Sámal á Tjaldrafløtti 1.