Strandfaraskipið Ternan, sum er á beding, fer ikki aftur í sigling í morgin, sum ætlanin annars var.
Strandferðslan skrivar á heimasíðuni, at arbeiðið at umvæla Ternuna dregur út:
- Veðurlíkindini vóru ikki heilt til vildar, tá Ternan skuldi á beding, og tískil varð hon tveir dagar seinkað á beding. Eisini skal ymiskt annað smáarbeiðið gerast umborð, og sostatt verður Ternan ikki klár til 23. september.
Jósup fer at røkja siglingina á nólsoyarleiðini hesa vikuna og í næstu viku Sam ger serligar farmatúrar týsdagin og hósdagin.
