Sum vit hava skrivað, høvdu kommunulæknarnir kring landið, næstan 188.000 viðtalur í fjør. Tað merkir, at í miðal var hvør føoyringur 3,4 ferðir hjá lækna í fjør. Í 2019 fór hvør føroyingur 3,1 ferðir til lækna í miðal.
Les eisini: Hava ongantíð verið so ofta hjá lækna sum í fjør
Ein uppgerð hjá Hagstovuni vísir, at í øllum høvuðsøkjum í landinum, uttan í Sandoy, er talið á viðtalum fyri hvønn íbúgva á leið tað sama, nevniliga ímillum 3,1 og 3,4. Sostatt fór hvørt fólk í Suðurstreymoy, 3,1 ferðir til lækna, hvør suðuroyingur fór 3,2 ferðir til lækna, í Norðstreymoy fóru tey 3,3 ferðir til lækna og í fjør vóru eysturoyingar 3,4 ferðir hjá lækna í miðal. Hinvegin var hvør norðoyingur og hvørt vágafólk í miðal 3,7 ferðir hjá lækna.
Men so er tað Sandoyiggin og Skúgvoy, sum skilja seg heilt burturúr, tí í miðal vóru sandoyingar og skúgvoyingar 7,4 ferðir hjá lækna í fjør og tað er meiri enn tvær ferðir so nógv, sum aðrastaðni í landinum.
Sí talvuna niðan fyri
##med2##
Verða árini 2019 og 2021, samanborin, er rættiliga stórur munur á. Í Sandoy og í Skúgvoy vóru 64 prosent fleiri viðtalur í 2021 enn ta ðvóru ó 2019. Í Norðoyggum vóru 23 prosent fleiri viðtalur í 2021 enn í 2019, í Eysturoy vóru tað 13 prosent fleiri viðtalur og í Suðurstreymoy vóru 12 prosent fleiri viðtalur í 2021 enn tað vóru í 2019.
Í hinum økjunum er broytingin lítil - men í Vágum vóru viðtalurnar fýra prosent færri í 2021 enn í 2019.
– Her skal viðmerkjast, at tað hevur stóra ávirkan á talið á viðtalum, at kommunulækni fer úr starvi í einum øki, og í staðin koma skiftandi avloysarar, tí tá minkar tað. Hivegin veksur talið á viðtalum, tá ið kommunulæknar verða settir í fast starv.
Nógv tann størsti parturin av øllum viðtalum, ella 94 prosent, eru í vanligari arbeiðstíð, men hini seks prosentini eru um kvøldið og um vikuskiftini.
Men tað er ein ávísur munur á teimum ymsu økjunum kring landið. Serliga skilja Suðuroy og Norðoyggjar seg burturúr, tí har eru ávikavist 98,5 og 98,4 prosent av viðtalunum í vanilgari arbeiðstíð. Í hinum økjunum liggur tað ímillum 93,6 proent og 96,4 prosent. Men í suðurstreymoy eru yvir 10 prosent av viðtalunum um kvøldið ella um vikuskiftið. Tá ið útlendingar í Føroyum hava brúk fyri lækna, eru 16 prosent av viðtalunum um kvøldið og um vikuskiftini.
