So nógv tingmál eru eftir at viðgera, at løgtingið ikki sum ætlað fer til hús fríggjadagin.
Løgtingsformaðurin hevur boðað frá, at einir tríggir tingfundir verða aftur í næstu viku. Eftir ætlan tingsins skuldi seinasti tingfundur í hesi tingsetuni verða fríggjadagin.
Men av tí at so mong mál eru eftir at viðgera er neyðugt við fleiri tingfundum í næstu viku. Landsstýrið er komið við fleiri málum, sum eru løgd fyri tingið efitr at tíðarfreistin er farin. Tingmál skulu hava tríggjar viðgerðir á trimum ymsum tingfundum.
Tingfundur er í dag klokkan 11. Skráin fyri tingfundin sær soleiðis út:
1. Ófráboðaðir fyrispurningar
2. 1. viðgerð: Løgtingsmál nr. 145/2014: Uppskot til løgtingslóg um almenna forsorg (Forsorgarlógin) (Ásetingar um endurvenjing)
3. 1. viðgerð: Løgtingsmál nr. 146/2014: Uppskot til løgtingslóg um broyting í løgtingslóg um almenna forsorg (Forsorgarlógin)
Málið veðrur beint í Trivnaðarnevndina
4. 1. viðgerð: Løgtingsmál nr. 147/2014: Uppskot til løgtingslóg um broyting í løgtingslóg um arbeiðsfremjandi tiltøk
Málið verður beint í Trivnaðarnevndina
5. 1. viðgerð: Løgtingsmál nr. 152/2014: Uppskot til løgtingslóg um broyting í løgtingslóg um almenna heilsutrygd (Hækkan av inngjaldi)
Málið verður beint í Trivnaðarnevndina
6. 1. viðgerð: Løgtingsmál nr. 150/2014: Uppskot til løgtingslóg um broyting í løgtingslóg um at byggja virknis- og umlættingardepil í Sandoynni til børn og ung við serligum avbjóðingum
Málið verður beint í Fíggjarnevndina
7. 1. viðgerð: Løgtingsmál nr. 144/2014: Uppskot til løgtingslóg um broyting í løgtingslóg um matvørur v.m. (Broytt gildiskoma)
Málið verður beint í Vinnunevndina
8. Framløga
