Norska tangaskipið West Streamer, sum var á veg úr Íslandi niður á europeiska meginlandið, fekk maskinskaða suður úr Føroyum.
Tjaldrið fór til skipið og sleipaði tað til Havnar. Skipini komu á Havnina fyrrapartin í gjár, og West Streamer skuldi fáa skaðan umvældan á Tórshavnar Skipasmiðju, verður upplýst av Vaktar- og Bjargingartænastuni.
West Streamer er kemikaliutangaskip, sum hevði verið í Íslandi og lastað fiskaolju, sum, eftir hvat Vaktar- og Bjargingartænastan hevði skilt, skuldi til Pólands.
