Tjaldur tók fyrsta stikkið

Enn er kappingin ung, men kortini gav dysturin í gjárkvøldið eina greiða ábending um, at Tjaldur og Stjørnan verða tey, ið koma at stríðast um gullið aftur í vetur. Og við sigrinum kann somuleiðis staðfestast, at Tjaldur í løtuni hevur munin

Hilmar Jan Hansen

29.10.2009 (12:43)

<style type="text/css">  </style>   Fyrsta veruliga oddabrakið í Sunset-kappingini var í ítróttarhøllini í Runavík, har meistararnir úr Tjaldri tóku ímóti steypavinnarunum úr Stjørnuni. Sum vera man, var høllin fullsett, og umframt nógvar heimaáskoðarar, var talan um nógvar norðoyingar, ið høvdu leitað sær út á Skálafjørðin. Við øðrum orðum vóru karmarnir um dystin teir allarbestu. Ikki kann heldur sigast annað, enn at bæði lið megnaðu at levera vøruna, tí talan gjørdist um ein dyst, ið var undirhaldandi alla tíðina, hóast hann bara var spennandi tríggjar fjórðingar av tíðini. Orsøkin til tað var, at tá seinni hálvleikur var hálvrunnin, leyp Tjaldur eftir lítlari løtu fýra mál fram um Stjørnuna, og tað var meira, enn klaksvíkskvinnur megnaðu at hála innaftur. Fyrst og fremst var skotstyrkin avgerandi munur á liðunum, tí tær fýra rumensku hjá Tjaldri –  Adina Petrea, Cornelia Rimbu og Marinela Patru – stóðu fyri 22 av teimum 30 málunum hjá heimaliðnum. Henda styrki sæst eisini aftur á toppskjúttalistanum, har Tjaldur eigur fýra av teimum 12 fremstu málskjúttunum í kappingini. <o:p> </o:p> Tjaldur tók yvir<o:p></o:p> Í fyrra hálvleiki var samanumtikið sera javnt, og ikki bar til at siga nakað um, hvønn veg dysturin kundi koppað. Eitt skifti var Tjaldur frammanfyri 11-7, men Stjørnan bardi seg upp á 11-11 og sá bara betur út, sum tað leið til hálvleiks. Serliga royndist Kristina Griksaite í Stjørnu-málinum sera væl, og tær løturnar, hon stongdi málið, lyfti tað beinanvegin spælið úti á vøllinum. Stjørnan kom eisini betur frá byrjan í seinna hálvleiki, men eftir at hava vunnið sær leiðsluna 19-18, kom stígur í, samstundis sum Tjaldur setti meira trýst á ketlarnar og fekk skjúttarnar betur við. Longu miðskeiðis í seinna hálvleiki byrjaði at síggjast, hvønn veg tað kundi ganga, tá Stjørnan í einar 10 minuttir bara skoraði tvær ferðir, meðan Tjaldur skoraði sjey mál í hinum endanum. Ímóti endanum vísti Guðrun í Lágabø fleiri ferðir síni kynstur, og tá Stjørnu-kvinnurnar royndu at sleppa fram við henni, vóru stengur og yvirliggjari fyri einar tríggjar ferðir. Heilt ímóti endanum fekk Stjørnan tríggjar útvísingar ímóti sær, og tá gjørdist einki fyri at venda dystinum, ið nú fullkomuliga lá í hondunum á Tjaldri. Við sigrinum fekk Tjaldur staðfest, at liðið er minst líka væl fyri, sum tað var síðsta vetur, tá tað sum uppflytari kom heilt upp á ovastu rók og vann meistaraheitið. Hinvegin eigur Stjørnan óivað meira í sær, enn hesin dysturin vísti, so helst fáa vit fleiri góðar duellir aftrat millum liðini bæði, ið longu nú mugu metast sum finalufavorittar til várs. <InvalidTag content="" name="Title" /> <InvalidTag content="" name="Keywords" /> <InvalidTag content="text/html; charset=utf-8" http-equiv="Content-Type" /> <InvalidTag content="Word.Document" name="ProgId" /> <InvalidTag content="Microsoft Word 2008" name="Generator" /> <InvalidTag content="Microsoft Word 2008" name="Originator" /> <link href="file://localhost/Users/macuser/Library/Caches/TemporaryItems/msoclip/0/clip_filelist.xml" rel="File-List" />  <style type="text/css">  </style>   FAKTA um dystin<o:p></o:p> <o:p> </o:p> Tjaldur-Stjørnan 30-25 (13-13)<o:p></o:p> 10 min.: 4-3 20 min.: 8-6 30 min.: 13-13 40 min.: 18-19 50 min.: 25-21 Tjaldur: Adina Petrea 12, Cornelia Rimbu 6, Marinela Patru 4, Elinbjørg Hammer 3, Annika Thomsen 3, Sarah Ann B. Thomsen 2 Stjørnan: Simona Petersen 8, Joan Midjord Djordjevic 4, Bára Skaale Klakstein 4, Una Olsen 3, Valentina Suciu 3, Edith Hansen 1, Hanna Mikkelsen 1, Maria við Neyst 1 Brotskøst: Tjaldur 6, Stjørnan 1 Ávaringar: Tjaldur 3, Stjørnan 3 Útvísingar: Tjaldur 2, Stjørnan 5 Dómarar: Sámal Paulason & Kári Hansen  

Tjaldur tók fyrsta stikkið

Mest lisið

Koyrdi fullur og gloymdi at snara

Myndir: Gleðisrómur við Tjarnir

Sprongdu illgrunasaman lut í luftina í Hundsáarbotni

Maður gekk runt og stútaði bilar

Ógvusligt ferðsluóhapp í Hvalvík

4 Fýrar hava eykasýning hóskvøldið

Sissal fær ikki atkvøður frá Noreg, Svørøki og Íslandi hóskvøldið

Arbeiðsóhapp við Norðskála

Annika Lisberg verður virkandi stjóri í Visit Tórshavn

Knapt 54.850 fólk búðu í Føroyum 1. apríl — vøksturin var 0,6%