Fiskiveiðieftirlitið, Vørn, hevur júst kunngjørt, at triðja afturlatna uppboðssølan verður 14. september.
Fyrsta uppboðssølan av fiskirættindum verður hósdagin 24. august, tá ið 5.447 tons av makreli, 1.721 tons av botnfiski fara á sølu. Annað afturlatna umfari verður 31. august, tá ið 9.000 tons av bæði norðhavssild og svartkjafti fara á uppboðssølu.
Rættindini, ið verða seld á triðja umfari, verða somuleiðis fyri 9.000 tons av ávikavist norðhavssild og svartkjafti.
Í almennari fráboðan sigur Vørn, at feløg og persónar, ið ætla at bjóða upp á rættindi á uppboðssølu, skulu lata Vørn hóskandi skjalprógv í seinasta lagi 3 vikur, áðrenn uppboðssølan verður hildin, ella boð skulu latast inn.
