Nú skúlarnir skjótt byrja aftur, fara tey í Vága prestagjaldi at skipa fyri trimum sonevndum skúlabyrjunargudstænastun.
Tað verður Marjun Kálvalíð, sum verður prestur við allar gudstænasturnar.
Sunnudagin 14. august klokkan 11 verður ein slík gudstænasta í Miðvágs kirkju, og sama dag klokkan 14 verður gudstænasta í Sandavágs kirkju.
Tiltakið, sum fevnir um allar kirkjurnar í Vágum, verður eisini í Sørvágs kirkju, og her verður skúlabyrjunargudstænastan hin 21. august klokkan 11.
- Tað eru serliga øll tey, sum byrja í skúla, nú skúlarnir skjótt byrja aftur, sum verða boðin til gudstænasturnar, siga tey í Vága prestagjaldi.
Heitt verður á børn um at hava skúlatasku og penalarhús við sær, og síðan eru eisini foreldur, systkin, ommur, abbar og onnur, sum børnini kenna, vælkomin í kirkju.
- Gudstænasturnar verða skipaðar fyri børnum við barnavinarligum tekstum og sálmum, og øll eru hjartaliga vælkomin, siga tey í Vága prestagjaldi.