Í løtuni eru fimm partrolarapør til fiskiskap. Tey fiska upsa og fáa nakað av hjáveiði.
- Skipini koma inn at landa, sum næsta vika gongur, men fiskiskapurin er vánaligur.
Tað vita tey á Fiskamarknaði Føroya at siga í dag.
Ein djúpvatnstrolari er til fiskiskap. Teir fiska kongafisk og landa væntandi síðst í næstu viku.
Í løtuni eru fýra av teimum smáu trolbátunum til fiskiskap. Tríggir fiska havtasku, og ein fiskar tosk og hýsu.
- Trolbátarnir hava eisini smáligan fiskiskap. Ein landar mánadagin, og hinir landa antin miðskeiðis ella síðst í næstu viku.
Lagt verður aftrat, at eitt garnaskip fiskar svartkalva og landar væntandi fyrst ella miðskeiðis í næstu viku.
- Eitt garnaskip fiskar havtasku. Teir hava brúkiligan fiskiskap og landa miðskeiðis í næstu viku.
