Starvsfólkini hjá Trygd brúka dagin í dag til at rudda skriviborðini og fylla flytikassarnar.
Alt virksemið flytir úr Gongini niðan í høvuðssætið hjá BankNordik í Húsagøtu í Havn.
- Jú, flytingin er liður í eini strategiskari avgerð, har bankavirksemi og tryggingarvirksemi smelta meira og meira saman, sigur Janus Thomsen, stjóri í Trygd.
Tí er tað, sambært Janusi Thomsen, ein fyrimunur um starvsfólkini eisini sita í sama húsi.
Trygd er eitt dóttirfelag hjá BankNordik, og nú verður bygningurin í Gongini leigaður út.
Trygd letur upp aftur í Húsagøtu mánadagin.
