Sjeynda ferðin var í 2008, tá Jóannes Eidesgaard koyrdi Tjóðveldi úr samgonguni, og nýggj ABC samgonga varð skipað.
Sætta ferðin var, tá Anfinn Kallsberg koyrdi Tjóðveldisflokkin úr samgonguni í 2003 og skrivaði út nýval.
Fimta ferðin var, tá Javnaðarflokkurin tók seg úr samgonguni hjá Edmund Joensen í 1996, og Fólkaflokkurin fór upp í samgonguna ístaðin.
Fjórða ferðin var, tá Marita Petersen, løgmaður, koyrdi Fólkaflokkin úr samgonguni í 1993 og skipaði nýggja samgongu við Tjóðveldisflokkinum og Sjálvstýrisflokkinum.
Triðja ferðin var, tá samgongan hjá Jógvan Sundstein millum Fólkaflokkin, Sambandsflokkin og Tjóðveldisflokkin legði kongin í 1989, og val varð útskrivað.
Onnur ferðin var, tá Sjálvstýrisflokkurin tók seg úr samgonguni hjá Jógvan Sundstein í 1989, og Fólkaflokkurin, Sambandsflokkurin og Tjóðveldisflokkurin skipaðu nýggja samgongu
Fyrsta ferðin var, tá samgongan hjá Atla Dam millum Javnaðarflokkin, Fólkaflokkin og Tjóðveldisflokkin slitnaði í 1980.
Ein broyting var í samgonguni hjá Atla Dam í 1988. Kristiligi Fólkaflokkurin fór úr samgonuni. Men flokkurin var farin í tvíningar, og Adolf Hansen, sum var farin úr flokkinum og hevði stovna Framsóknarflokkin, kom upp í samgonguna. Hendan broyting var so lítil, at vit hava ikki valt at kalla tað samgonguslit.
Tað vil siga, at hóast átta ella níggju samgongukreppur og slit, so er tað bara tríggjar ferðir endað við nývali: Í 1980, í 1990 og í 2004.
