Dagurin byrjaði við hálvfinalu í einmansleiki hjá gentum. Inga Guðrin Samuelsen møtti einari gentu úr Danmark, og vann hon hana trygt - 2-0. Settúrslitini vóru 21-7 og 21-10.
Finaluna vann Inga Guðrin Samuelsen uttan dyst, tí svenski leikarin trekti seg - so gull til Ingu Guðrin.
Síðsti dystur var ein rein føroysk finala í tvímansleiki hjá gentum. Her møttust Sarita Kvilt/Tóra Erlandsdóttir og Inga Guðrin Samuelsen/Hansina Mouritsen.
Tær spældu ein sera spennandi og drúgva finalu. Settini endaðu 21-19, 19-21 og 22-20.
So gull og silvur til Føroyar.
Dreingirnir møttu harðari mótstøðu, men stóðu seg væl og fingu læruríkar og mennandi dystir við sær heim.
Allir leikarar hava kýtt seg á vøllinum og koma heim aftur við nógvum upplivingum - bæði á vølli og uttanfyri.
Eitt væleydnað vikuskifti fyri føroyskt badminton.
##med2##
##med3##
##med4##
##med5##
