Føroyska U 17 landsliðið hjá gentum skal klokkan 10 spæla fjórðingsfinalu í altjóða Norðurevropisku kappingini í flogbólti – NEVZA - sum í hesum døgum er í Ikast í Danmark. Liðið tryggjaði sær 2. plássið í bólkinum við at vinna 3-1 á Svøríki og 3-1 á Onglandi, meðan tær taptu 3-0 ímóti Finnlandi.
Dysturin í morgun verður ímóti Íslandi, sum gjørdist nr. 3 í sínum bólki.
Dysturin kann síggjast beinleiðis á http://www.volleytv.dk/live.
Eisini U 17 dreingirnir hava leikt seg víðari, tá teir í gjár gjørdist vinnarar av sínum bólki frammanfyri Svøriki og Ongland – dystir sum báðir vóru vunnir 3-0. Teirra hálvfinala verður klokkan 16.00 og verður ímóti vinnaranum av dystinum Noreg – Ongland.
Leikararnir á U 17 gentulandsliðnum eru:
KÍF:
Zoe Elisabeth Dickson
Fleyr:
Vár Rajani Færø
Barbara Káradóttir Durhuus
Bjarta Jákupsdóttir
SÍ:
Inga Helena Henriksen
Janna Falkvard
Malan Maria í Haraldstovu Weihe
TB:
Johanna Christiansdóttir
Úr Danmark:
Hanna Iansdóttir Biskopstø (fyrr Fleyr)
Sára Rannváardóttir Vatnhamar (fyrr Fleyr)
Eva Gunn Niclasen (fyrr SÍ)
Jakobina Joensen (fyrr KÍF)
Venjarar eru Romica Øster og Jákup William Sivertsen.
