Føroyska U19-manslandsliðið spældi fyrrapartin annan dystin í kapping, ið fer fram í Slovenia.
Mikudagin taptu Føroyar 0-6 (0-3) fyri Póllandi. Í dag gekk munandi frægari móti Aserbadjan.
Føroyar taptu 1-2 fyri Aserbadjan. Tá 21 minuttir vóru leiktir spældi Sjúrður Henriksen Dánjal Mørkøre leysan, ið úr 14 metra fjarstøðu sendi bóltin í netið til 1-0 til Føroyar. Fýra minuttir seinni javnaði Aserbadjan. Tá 12 minuttir vóru leiktir av seinna hálvleiki skoraði Aserbadjan sigursmálið.
Mánadagin spæla okkara triðja og seinasta dystin, ið verður ímóti Slovenia.
Fyrstu 11:
12. Tróndur Sjúrðarson (M)
2. Silas Bjarnason Joensen
3. Dávid P. á Líðarenda
5. Jósef Ólavsson Gleðisheygg
6. Arnór Brandsson (L)
8. Djóni Sivertsen
10. Sjúrður Henriksen
14. Jens Eiler Samson
15. Rasmus Helgason
17. Dánial Mørkøre
18. Dennis Stefan Anghel Olaru
Kelda: FSF
