USA góðtekur ikki, at Kina floymir altjóða marknaði við kunstiga bíligum kinesiskum útflutningsvørum og harvið undirgrevur útflutingsvirksemi hjá øðrum londum.
Soleiðis ljóðar ávaringin frá Janet Yellen, fíggjarmálaráðfrú í USA, sum í dag vitjar í kinesiska høvuðsstaðnum, Beijing.
– Vit hava sæð tað áður.
– Fyri meira enn 10 árum síðani førdi stórur kinesiskur ríkisstuðul til, at bíligt kinesiskt stál floymdi á altjóða marknaðin og minkaði um ídnaðir kring heimin og í USA, sigur Janet Yellen.
Hon sipar til, at virki uttan fyri Kina – herundir í USA – mistu umsetning, tí tey ikki kundu kappast við kinesisku prísirnar.
– Eg havi gjørt tað greitt, at Biden forseti og eg ikki góðtaka ta støðuna aftur, sigur Yellen á tíðindafundi.
Tá vørur verða lýstar sum »kunstiga bíligar«, verður sipað til, at tær verða seldar fyri so lágar prísir, at tað í veruleikanum ikki kann mala runt hjá framleiðaranum.
Søluprísurin er altso so lágur í mun til framleiðsluútreiðslurar, at tað ikki er nakar veruligur vinningur við framleiðsluni uttan við stuðli aðrastaðni frá.
/ritzau/Reuters