TRÝST á PÍLIN á MYNDINI, og síggj og hoyr Louis van Gaal koma til ilnar við ein enskan miðlamann á tíðindafundinum, sum var aftaná dystin millum Chelsea og Manchester United, sum endaði við javnleiki 1-1. Eitt úrslit, sum hvørki hjálpti Chelsea ella Manchester United stórt. United er seks stig frá fjórða plássinum, og Chelsea liggur í ongamannalandi í Premier League.
Tíðindafundirnir hjá Louis van Gaal gerast ofta undirhaldandi ótilætlað. Hesaferð svaraði van Gaal atfinningunum hjá einum enskum miðlamanni við at siga, at miðlamaðurin fór at blíva uppsagdur sjálvur.
- Hvat er títt navn? So kann eg kunngera, at tú ert uppsagdur, segði ein firtin Louis van Gaal á tíðindafundinum.
Tað er rásin "FulltimeDevils", sum hevur lagt hetta brotið út á YouTube.
