Ítróttur
Petur Elias, sum er 44 ára gamal, hevur seinastu 15 árini verið í starvsnevndini hjá ÍSF. Av hesum hevur hann verið varaforseti í fimm ár.
- Eg havi sitið í nevndararbeiði innan ítróttin, síðani eg var 14 ára gamal. Seinnstu 15 árini hevur hetta verið sum stjórnarlimur í ÍSF, og tí haldi eg tað vera náttúrligt, at eg bjóði meg fram, nú sitandi forsetin hevur gjørt av, at hann ikki stillar uppaftur.
- Her og nú haldi eg ikki, at eg fari at tosa um nøkur hjartamál, men seinastu tíðina er skjøtul settur á fleiri spennandi ting í ÍSF, og mín ætlan er avgjørt, at vit halda fram í hesum arbeiði, sigur Petur Elias við Portalin.
