Í løtuni fiska seks frystilínuskip í føroyskum sjógvi, og tvey eru í íslendskum sjógvi.
- Ísfiskalínuskipið fer væntandi út um vikuskiftið, siga tey á Fiskamarknaði Føroya í dag.
Línuskipini fáa mest av toski, hýsu, longu og brosmu, og tey hava brúkiligan fiskiskap.
- Væntandi er, at okkurt frystilínuskip aftrat fer út í næstum, verður lagt aftrat.
Um útlitini til útróður verðu sagt, at bæði streymur og veður verða brúkilig í næstu viku.
- So, vit vænta nakað av útróðri, og bátarnir hava brúkiligan fiskiskap, siga tey á Fiskamarknaði Føroya.
