LISTASTEVNA
Eitt sindur seinkað kom Mari Boine til Føroya um middagsleitið mánadagin. Mánakvøldið, t.e. efir at blaðið er farið til prentingar, hevur hon konsert í Norðurlandahúsinum.
Songkvinnan úr Sámalandi er høvuðsnavnið á Listastevnuni í ár, og tað er ikki uttan orsøk. Hon vann nevniliga tónleikavirðislønina hjá Norðurlandaráðnum í ár ? eitt ár eftir, at Sunnleif Rasmussen fekk virðislønina.
- Mín tónleikur er eitt slag av verðinstónleiki: Ein blandingur av nógvum ?
tónleikastílum, rokk, popp og øðrum, og so nýti eg millum latín amerikanskar tónleikarar, sigur Mari Boine í øllum hurlivasanum í Norðurlandahúsinum mánadagin.
Hon hevur verið virkin sum songkvinna í 22 ár, og hon hevur givið sjey egnar útgávur umframt at hava verið við í fleiri øðrum.
?So tú kanst gott kalla meg ein veteran, sigur Mari Boine.
Undan Føroya ferðini hevur spælt í Finnmørkini, og annars hevur Mari Boine verið á konsertferð fyrr í ár í millum annað Týsklandi og Spania, har hon eisini er væl móttikin.
Mari, sum syngur mest á sámiskum máli, er eitt sindur bilsin av, at hon er høvuðsnavn á Listastevnuni, men svarar sannførandi ja, tá spurt verður, um hon kann liva upp til hetta.
Hetta er fyrstu ferð, at Mari Boine vitjar í Føroyum, men steðgurin verður ikki drúgvur.
