Tann 23 ára gamli maðurin, sum í gjár var dømdur at sita í varðhaldi í fýra vikur kann vænta sær at sita nógv longri enn tað.
Jón Klein Olsen, kanningarleiðari hjá politinum sigur, at væntar at kanningarnar fara at taka nógv longri tíð enn fýra vikur.
Tann 23 ára gamli maðurin, sum er handtikin í drápsmálinum í Hvalba, var í Føroya Rætti í gjár varðhaldsfongslaður í fýra vikur, og er hann skuldsettur fyri manndráp eftir grein 237 í revsilógini.
Eftir skuldsetingini hevur hann leygarmorgunin stungið tann 36 ára mannin, sum doyði, tríggjar ferðir í hálsin.
Rættarfundurin var fyri afturlatnum hurðum, og tí vórðu umboðini fyri fjølmiðlarnar biðin um at fara av fundinum.
Politiið vil heldur ikki greiða nærri frá rættarfundinum, men váttar bara, at maðurin er varðhaldsfongslaður í fýra vikur, fram til 5. september, og at hann ikki kærdi avgerðina um varhaldsfongsling.
Hin maðurin, sum eisini var handtikin í málinum, var um miðdagsleitið í gjár latin leysur og er ikki mistonktur í málinum.
Tann 23 ára gamli, sum nú er skuldsettur fyri manndráp í Hvalba, hevur fyrr – fyri tveimum árum síðani – skotið eftir politinum, hótt við at skjóta fleiri fólk og sett eld á Gistingarhúsið í Øravík.
Trýstið á pílin undir myndini fyri at hoyra samrøðu við Jón Klein Olsen.
Les eisini: Kriminalforsorgin hevði eftirlit við manninum
Les eisini: Hevur fyrr skotið eftir politinum
Les eisini: Morðið í Hvalba: Fongslaður í fýra vikur
Les eisini: Stakk mannin tríggjar ferði í hálsin
Les eisini: 10 dripin í Føroyum síðani 1967
Les eisini: Tveir mans handtiknir fyri morð í Hvalba
Les eisini: Tveir mans handtiknir fyri morð í Hvalba
Les eisini: Dripin í morgunballi í Hvalba
Les eisini: Misteinkiligt deyðsfall í Hvalba
Les eisini: Politiið hevur sperrað eini hús í Hvalba
