Petur Skeel, veðurfrøðingur á Miðlahúsinum, væntar at hann fer at vaksa um vindin seinni í vikuni.
Meðan tað í dag verður eitt andøvsgul upp í ein strúk av vindi, og í morgin gul til stívt andøvsgul, so veksur hann hósdagin vindin upp í hvassan vind og um vikuskifti upp í skrið ella storm. Heglingur og kavaælingur verður eisini.
Veðrið týsdagin seinnapart
Andøvsgul upp í ein strúk av útsynningi og vestri og ælingur. Hitin millum fýra og sjey stig.
Veðrið mikudagin
Gul til stívt andøvsgul av útnyrðingi og okkurt æli, partvís heglingur. Hitin millum eitt og fýra stig.
Veðrið hósdagin
Hvassur vindur upp í skrið av norði og landnyrðingi og kavaælingur. Hitalagið um frostmarkið.
Veðrið fríggjadagin og leygardagin
Skrið ella stormur av landnyrðingi og kavaælingur. Hitalagið um frostmarkið.
