Men at hann kann koma við kava og kulda hesa ársins tíð, tað høvdu klóku høvdini á fjálgu skrivstovunum við Tinghúsvegin í Havn ikki í sínum villasta fantasii roknað við.
Men so var, og tí mugu ferðandi á landsvegnum á Hósvíksleiðini smyrja seg við at skula bíða fyri reyðum ljósum í vana tíð afturat.
Landsstýrismaðurin í innlendismálum, Kári P. Højgaard, er als ikki nøgdur við, hvussu tey á Landsverki lesa veðrið. Hann sigur í svari upp á grein 52 spurning frá Helga Abrahamsen, at hann als ikki er nøgdur við, at ein slík høvuðsfarleið verður skerd so leingi, og hann harmast um tann ampa, sum tey ferðandi hava av hesum.
Men sambært Kára P. Højgaard, so verður arbeiðið liðugt fyri í juni mánaði, um altso tað ikki aftur verður darvað av kulda.
– Eg fari at taka upp spurningin við Landsverk um, at slík arbeiði í framtíðini verða gjørd, so tey ikki verða ferðsluni til ampa í ov stóran mun, sigur landsstýrismaðurin við innlendismálum í svarið sínum, sum eftir øllum at døma er skrivað á Orknoyggjum, har hann var á ferð umvegis Skotland, Ongland og Danmark.
